Раководството на Челзи ќе упати понуда во вредност од 30 милиони фунти за напаѓачот на Наполи, Гонзало Игуаин, информира „Мирор“. Тој треба да го замени Дидие Дрогба кој по втор пат го напушта клубот.
Менаџерот на „сините“ Жозе Мурињо има одлични односи со Аргентинецот од нивниот престој во Реал Мадрид. Токму тоа може да биде од голема корист за „сините“. Интерес за Игуаин има и од други англиски клубови.
По се изгледа дека напаѓачот ќе си замине Наполи, откако тимот не успеа да се пласира во Лигата на шампионите, а тренерот Рафаел Бенитез исто така си замина за да седне на клупата на Реал Мадрид.
Во изминатата сезона 27-годишниот Игуаин постигна 29 гола во 58 натпревари.