Бетани Матек-Сендс и Луси Шафарова ја освоија титулата на Ролан Гарос во женси двојки. Американско-чешката комбинација во финалето славеа над Кејси Делаква и Јарослава Шведова со 3:6, 6:4,6:2.
Бетани и Луси ја освоија својата втора Грен Слем титулата сезонава откако претходно триумфираа и на Отвореното првенство на Австралија во Мелбурн.
Шафарова на овој начин успеа да освои титула на годинешното издание на Ролан Гарос, таа во саботата загуби во сингл од Серена Вилијамс.
Матек-Сендс и Шафарова за освоената титула ќе поделат сума од 450.000 долари.