Францускиот напаѓач Карим Бензема својата кариера би можел да ја продолжи на Островот каде ќе го носи дресот на Манчестер јунајтед.
Како што наведуваат англиските медиуми, дирекорот на Јунајтед, Ед Вудворд веќе започнал преговори со челниците на Реал Мадрид за евентуален трансфер на Бензема на „Олд Трафорд“.
Раководството на премиерлигашот е подготвено да понуди околу 55 милиони евра за 27-годишниот напаѓач кој не е во плановите на новиот тренер на гигантот, Рафаел Бенитез.
Минатата сезона во дресот на „кралевите“ Бензема постигна 22 гола и забележа уште 15 асистенции и ако направи трансфер – сигурно ќе биде големо засилување за Ван Гал кој најави дека сака наредната сезона да ја нападне титулата во англиската елита.
