Столбот на одбраната на Јувентус, Џорџо Кјелини, поради повреда ќе го пропушти финалниот меч во Лигата на шампионите, во кој „старата дама“ за противник ќе ја има Барселона.
Кјелини во средата го напуштил тренингот поради болки во мускулот на левата нога, а прегледите со магнетна резонанца направени во четвртокот покажале оштетување на мусулот поради што тој нема да конкурира за место во тимот за саботниот меч.
Неговото место во тимот ќе го заземе Андреа Барзаљи, кој неодамна целосно се рехабилитираше од повредата.
Финалето во Лигата на шампионите ќе се одигра на 6-ти јуни на „Олимпискиот стадион“ во Берлин.
