Млекара Здравје Радово, како водечка домашна компанија за производство на млеко и млечни производи вчера во ТЦ. Рамстор Мол го одбележа Светскиот ден на млекото и децата.
По тој повод, во Трговскиот центар од 12 до 18 часот беше организирана млечна забава за најмалите.
Низ едукативни игри децата учеа за хранливите вредности на млекото, беа организирани многу млечни активности и соддржини, меѓу кои имаше изложбени штандови за дегустација на млеко и млечни производи, како и подароци за присутните дечиња.
Најмудриот мал победник кој одговори точно на сите интересни прашања од Млекара Здравје Радово доби оригинален подарок.
Малата Нина Добревска доби млеко колку што е тешка, бидејќи беше највешта во познавањето на млекото.
Модератор на целиот настан беше миленикот на детската публика Марко Новески.
Млекара Здравје Радово ќе продолжи со низа активности да ги запознава најмладите, колку е важно во нивната редовна исхрана да биде присутно млекото и млечните производи, за нивен правилен раст и развој…
