Ракометниот репрезентативец на Македонија, Ацо Јоноски, од наредната сезона ќе игра во германската Бундеслига. Јоноски денеска потпиша двегодишен договор со Бергишер.
Ракометарот кој е познат по своите дефанзивни карактеристики и кој долги години, заедно со Велко Маркоски, беше столб на одбраната на Металург во Бергишер пристигнува од шпанска Ла Риоха каде настапуваше во пролетниот дел од сезоната.
„Јоноски е голем професионалец, препознатлив е по својата игра и поседува огромно искуство. Среќни сме што еден таков играч дојде во Бергишер“, изјавил тренерот на тимот Себастијан Хинце.
Инаку Бергишер обезбеди опстанок во Бундеслигата и во моментов се наоѓа на 13-та позиција на табелата.
