Ацо Стојков (32) е првото засилување за ФК Вардар во новата натпреварувачка сезона. Стојков кој пред година и пол го напушти Вардар со клубот потпишал тригодишен договор, објави актуелниот македонски шампион на својата официјална интернет страна.
Стојков во Вардар дојде од екипата Скендербег со која ја освои титулата во првенството на Албанија.
За време на својот прв престој во Вардар, во 2013 година, тој одиграл 27 натпревари и постигнал 17 голови.
