Англискиот фудбалски премиерлигаш Вест Хем наредната сезона ќе игра во квалификациите за Европа лигата, а тоа право го избори како најдобар тим на табелата за „фер-плеј“.
УЕФА секоја година врз основа на “фер плеј“ доделува три места во квалификациите за Европа лигата, а за наредната сезона тоа право го изборија Англија, Холандија и Република Ирска.
Вест Хем сезоната ја заврши на 12 -то место во Премиерлигата, но го освои првото место на тебелата за „фер-плеј“.
Лондонскиот клуб на овој начин доби право да игра во Европа по девет години.
Последен пат „чеканите“ патуваа преку Ламанш во сезоната 2006/07 кога испаднаа во првото коло од Купот на УЕФА од Палермо (0-1,0-3).
Воодушевени сме што клубот следната сезона ќе настапи во Европа. Играњето во Европа лигата за нас претставува предизвик“, порачаа сопствениците на клубот.
