Канадскиот тенисер Милош Раониќ нема да учествува на Ролан Гарос бидејќи сеуште не се опоравил од операцијата на стапалото.
Раониќ на операција заминал по поразот во четвртфиналето на Мастерсот во Мадрид пред две недели и уште тогаш неговиот тим најави дека под знак прашалник е настапот на вториот Грен слем турнир во сезоната.
Канаѓенецот во моментов се наоѓа на шестата позиција на АТП листата, негов најдобар резултат на Ролан Гарос е минатогодишниот пласман во четвртфиналето каде загуби од Новак Ѓоковиќ.
