НБА лигата ги објави имињата на кошаркарите кои ги формираа трите најдобри петорки во лигата за сезоната 2014/2015.
Во најдобрата петорка се најдоа МВП-то на сезоната Стеф Кари (Голден Стејт), Џејмс Харден (Хјустон), Леброн Џејмс (Кливленд), Ентони Дејвис (Њу Орлеанс) и Марк Гасол (Мемфис).
Кари и Џејмс добиле максимален број на гласови по 129, Харден добил 125, Дејвос 119, а најнеизвесен бил изборот на центарската позиција, бидејќи Марк Гасол добил 65 гласови.
Постариот од браќата Гасол, Пау се најде во втората петорка, а покрај него тука се Расел Вестбрук (Оклахома), Крис Пол (ЛА Клиперс), Ламаркус Олдриџ (Портланд) и Демаркус Казинс (Сакраменто).
Во третата петорка се Кајри Ирвинг (Кливленд), Клеј Томпсон (Голден Стејт), Тим Данкан (Сан Антонио) и двоецот на ЛА Клиперс Блејк Грифин и Деандре Џордан.