Македонскиот клупски ракомет го бележи најдобриот пласман на листата на Европската ракометна федерација (ЕХФ) во својата историја. Машките клубови се наоѓаат на осмото место, а женските на 14-то место.
Благодарение на успешните настапи на Вардар и Металург во изминатите три сезони, не сметајќи ја тековната, машките клубови се на високата осма позиција во Европа, што е од особена важност за распределбата на местата во европските купови во наредната сезона.
Според најавите Македонија во Лигата на шампионите, во машка конкуренција, ќе има два претставника.
Во женска конкуренција, минатогодишниот пласман на ЖРК Вардар на завршниот турнир и освоеното трето место, придонесе за скок од две места.