Информацијата за новиот договор на Луис Хамилтон со тимот на „Мерцедес“, најверојатно ќе биде официјално прогласена пред трката за Гран При на Монако следниот викенд.
Двократниот светски шампион ги отфрли шпекулациите на медиумите дека преговорите се одолговлекуваат поради финансиските параметри на договорот.
„Ќе се видиме во Монако. Таму ќе имаме некои вести за вас“, рече 30-годишниот Британец.
Според новиот договор платата на Британецот ќе биде во износ од 31 милиони долари годишно, а со различни бонуси или ако стане повторно светски шампион таа ќе надмине 40 милиони долари.
