Раководството на Реал Мадрид во летниот преоден рок ќе се обиде да го продаде Карим Бензема. Како што пренесоа медиумите во Шпанија, Реал како обештетување бара сума од 55 милиони евра.
Бензема (27) оваа сезона во шпанското првенство има постигнато 15 голови, а ниту во изминатите сезони не беше ефикасен како што тоа го очекуваа во клубот. Од 2009-та година тој само еднаш ја минал бројката од 20 постигнати голови во првенството, во сезоната 2011/2012 тој постигнал 21 гол.
Сепак, контра раководството е тренерот Карло Анчелоти кој исклучително го цени Бензема, според него, неговиот учинок и влијанието во тимот не може да се мери со бројката на постигнати голови.
