Французинката Сираба Дембеле е избрана за најдобро лево крило во Лигата на шампионките.
Дембеле е единствената од тимот на ЖРК Вардар која најде место во Ол Стар тимот во ЛШ за сезоната 2014/2015.
Покрај Дембеле во Ол Стар тимот на ЛШ се најдоа уште Сандра Тофт (голман, Ларвик), Хајдо Локе (пивот, Ѓер), Кристина Неагу (лев бек, Будуќност), Анико Ковачич (среден бек, Ѓер), Нора Монк (десен бек, Ларвик), Лин-Кристин Ригелхут Корен (десно крило, Ларвик).
За најдобар тренер е прогласен Амброс Мартин од Ѓер, додека признанија добија уште и Дорина Корсос (најдобар дефанзивец, Ѓер) и Костика Букеши (најдобра млада ракометарка, Баја Маре).