Европскиот клупски шампион Реал Мадрид останува најскапиот фудбалски клуб во светот. „Кралевите“ ја предводат листата на „Форбс“ трета година по ред.
Шпанскиот клуб е проценет на 3.26 милијарди долари, што е за 5% помалку од минатата година. Реал има највисоки приходи меѓу спортските клубови во светот – 746 милиони долари.
Рангирањето се прави врз основа на анализа на неколку компоненти, меѓу кои се вредноста на одделните играчи во тимот, инфраструктурата на клубот и друго.
Лидерот во Примера дивизион, Барселона го зазема второто место со 3,16 милијарди долари. И покрај недостатокот на добри резултати во последните две сезони Манчестер јунајтед е трет со 3,10 милијарди долари, што е за 10% повеќе во однос на минатата година. Клубот од „Олд Трафорд“ е на второ место по приходи со 703 милиони долари.
Баерн е поставен на четвртото место, а гигантот од Германија е оценет на 2.35 милијарди долари.
Силно присуство на англиските клубови во рангирање, а во првите десет од нив има пет, а во топ 20 се вкупно осум. Од една страна, тоа се должи на поскапувањето на фунтата во однос на еврото и доларот, а од друга на рекордниот договор за телевизиските права во Премиер лигата, кој стапува во сила од сезоната 2016-17-та, објаснува „Форбс“.
Зголемените приходи од телевизиските права и од спонзорските договори прават така што просечната цена на клубовите во првите 20 достигна 1.16 милијарди долари, што е за 84% повеќе отколку пред пет години.
Топ 10 во рангирањето на „Форбс“:
1. Реал Мадрид – 3.26 милијарди долари
2. Барселона – 3.16 милијарди долари
3. Манчестер Јунајтед – 3.10 милијарди долари
4. Баерн Минхен – 2.35 милијарди долари
5. Манчестер Сити – 1.38 милијарди долари
6. Челзи – 1.37 милијарди долари
7. Арсенал – 1.31 милијарди долари
8. Ливерпул – 982 милиони долари
9. Јувентус – 837 милиони долари
10. Милан – 775 милиони долари
