Чикаго Булси, предводени од Дерик Роуз, славеа во Кливленд со 99:92 и поведоа во полуфиналната серија, во Источната конференција, со 1-0.
Роуз потсети на деновите кога беше МВП во лигата, пред да започнат проблемите со повредите на колената, тој мечот го заврши со 25 поени, 5 скока и 5 асистенции.
„Ја почитувам секоја секунда, враќањето на теренот, аспектот на кошарката. Таа ми овозможи да го сменам својот и животот на моето семејство. Многу му должам на овој спорт“, кој поради честите повреди во изминатите три сезони пропушти 180 натпревари.
Покрај Роуз, одличен меч во Кливленд одиграа и Пау Гасол (21 поен, 10 скока, 4 асистенции) и Џими Батлер (20 поени, 6 скока, 5 асистенции, 3 украдени топки).
Кливленд го предводеше Кајри Ирвинг со 30 поени, Имам Шамперт постигна 22, а Леброн Џејмс мечот го заврши со 19 поени, 15 скокови, 9 асистенции, 3 украдени и 6 загубени топки.
За Кливленд на овој меч не играа двајца од стартната петорка, Кевин Лав поради повреда ја заврши сезоната, додека Џеј Ар Смит не настапи поради суспензија.
