Фудбалерот на Баерн Роберт Левандовски најверојатно ќе настапи во првиот меч од полуфиналето од Лигата на шампиони против Барселона, откако денеска тренираше со првиот тим.
Левандовски во сударот со голманот на Дортмунд Мичел Лангерак во полуфиналето од германскиот Куп се здоби со фрактура на вилицата и со потрес на мозокот, но брзо закрепна.
Послкиот фудбалер на профилот на Твитер кратко напиша „Се вратив“ со своја фотографија со заштитна маска на лицето.
Напаѓачот оваа сезона за баварскиот клуб во сите напреварувања одигра 44 натпревари и постигна 23 погодоци.
Баерн во среда ќе го игра првиот натпревар против Барселона на Ноу Камп, додека реваншот е на 12 мај на Алианц Арената.
