Душко Ивановиќ по поразот на Панатинаикос во кошаркарското дерби од Олимпијакос ја напуштил клупата на „зелените“ од Атина.
Оставката на Ивановиќ со соопштение до јавноста ја потврдил и клубот.
„Панатинаикос објавува дека е раскината соработката со Душко Ивановиќ, на кого му се заблагодаруваме за придонесот кој го имаше оваа сезона“, се истакнува во соопштението.
Ивановиќ на клупата на ПАО седна на почетокот на сезоната, со тимот го освои Купот на Грција и стигна до четвртфиналето во Евролигата.
Ивановиќ кој во кариерата работел во неколку европски екипи, меѓу кои во Барселона и Лаборал Куча, се уште е актуелен селектор на репрезентацијата на Босна и Херцеговина.
