Крилниот центар на Кливленд, Кевин Лав, му претстои пауза од четири до шест месеци поради повреда на рамото.
Лав се повреди во четвртиот натпревар против Бостон, кога во еден дуел настрада од противничкиот центар Кели Олијник. Лав нема да може да му помогне на тимот во плејофот во кој Кливленд сериозно конкурира за шампионскиот прстен, а веројатно ќе го пропушти и тренинг кампот на тимот во октомври.
Инаку, Кливленд избори пласман во полуфиналето во Источната конференција каде за противник ќе го има победникот од серијата помеѓу Чикаго и Милвоки, во која „булси“ водат со 3-2.
