Фудбалерите на Волфсбург ќе играат против Борусија Дортмунд во финалето на германскиот Куп. Волфсбург до завршниот меч стигна по убедливата победа (4:0) во полуфиналето над Арминија во Билефелд.
По два гола ‘волците’ постигнаа во првото и во второто полувреме, серијата ја отвори и ја затвори Арнолд со головите во осмата и 55.минута, а меѓу стрелците се запишаа уште Луис Густаво во 31. и Перишиќ во 51.минута.
Финалето во германскиот Куп ќе се одигра на 30.мај на Олимпискиот стадион во Берлин.
