Претседателот на ПСЖ, Насер Ел Келаифи, рекол дека тренерот Лоран Блан и напаѓачот Златан Ибрахимовиќ ќе останат во клубот и во наредната сезона.
Во интервју за весникот Паризијен, Ел Келаифи рекол дека во клубот не размислуваат за некои радикални промени во летниот преоден рок.
Запрашан дали Блан ќе остане тој одговорил: „Секако дека ќе остане. Неоправдани се критиките кон него“.
Исто така тој рекол Ибрахимовиќ ќе биде во клубот и во наредната сезона.
„За ова не вреди да се разговара. Тој останува и наредната сезона, тоа е сигурно. Истото важи и за Хавиер Пасторе“, рекол Ел Келаифи.