Фудбалерите на „малиот“ Капри, прв пат во својата историја, обезбедија пласман во италијанската Серија А.
„Бело-црвените“ како што го нарекуваат тимот кој настапува на стадионот „Сандро Кабаси“, чии капацитет е само 4.144 места, во 38-мото коло одигра 0:0 со Бари и математички на четири кола до крајот на сезоната во Серија Б обезбеди пласман во најсилната италијанска конкуренција.
Капри е основан во 1909-та година, клубот пред 15 години банкротираше по што започна да се натпреварува од најнискиот ранг. Реформите во клубот покажаа резултати, тимот пред пет години од Серија Д се пресели во професионалниот ранг, а по три сезони во Серија Б тимот избори пласман во најквалитетното фудбалско друшто во Италија.
Капри има буџет од нешто повеќе од три милиони евра, што е двојно помалку од годишната плата на напаѓачот на Јувентус, Карлос Тевез.
Инаку Капри е мал град со околу 70 илјади жители, што е на пример помалку од капацитетот на стадионите во Милано и во Рим.