Барселона го декласира Хетафе со 6:0 во 34.коло во Примера, а напаѓачкото трио на ‘балуграна’, Меси-Нејмар-Суарез стигна до 102 гола оваа сезона.
Барса до победата ја предводеше најдобриот напад во светот на фудбалот, Меси и Суарез постигнаа по два гола, плус Аргентинецот запиша една, а Уругваецот две асистенции. По еден гол за Барса постигнаа Нејмар и Чави.
Меси сезонава има постигнато 49, Нејмар 32, а Суарез 21 вкупно 102 на 49 натпревари. Нападот на Барселона го сруши клупскиот рекорд кој во сезоната 2008/2009 го поставија Меси-Ето и Анри.
По овој натпревар Барселона повторно има пет бодови предност во однос на Реал кој својот меч од 34.коло ќе го одигра в среда против Алмерија.