Даниел Алвес има тенденција да остане во составот на Барселона за барем уште една година, пишуваат во Шпанија.
Дани Алвес останува во Барселона!?
Бразилскиот репрезентативец донел конечна одлука и нема начин да ја промени, соопштува радио „Cope“.
31-годишниот дефанзивец сака да ја продолжи кариерата на „Камп Ноу“, игнорирајќи ги понудите на францускиот шампион ПСЖ и англискиот гигант Манчестер Јунајтед.
Тренерот Луис Енрике инсистирал пред клупското раководство да биде направено се што е можно за Бразилецот да остане во тимот.
Засега од Барселона нема потврда за оваа информација, но доколку овие информации се вистинити, може наскоро да очекуваме и официјално соопштение од каталонскиот гигант.