Напаѓачот на Ливерпул, Даниел Стариџ, според зборовите на менаџерот на тимот, Брендан Роџерс, ја завршил сезоната.
Стариџ цела оваа сезона има проблеми со повредите, а последен пат во тимот се појави на 8-ми април.
„Ќе видиме дали ќе се врати во финишот од сезоната или во претсезоната. Ова е тежок период за Даниел. Ова е една од оние несреќни сезони“, рекол Роџерс.
Напаѓачот оваа сезона одиграл само 17 натпревари од кои 12 во Премиерлигата и успеал да постигне четири гола. Минатата сезона која Ливерпул ја заврши на второто место Стариџ на 33 натпревари постигна 24 гола.
