Денеска беа извлечени полуфиналните двојки во ракометниот Куп на Македонија, во машка конкуренција.
Жрепката ги раздвои Вардар и Металург, така што „црвено-црните“ кои се бранители на трофејот за противник го добија Зомимак, додека Металург ќе игра против Пролет.
Завршниот турнир ќе се игра на 16-ти и на 17-ти мај, во арената „Јане Сандански“, а организатор ќе биде РФМ.
Во истата сала истиот викенд ќе се игра и завршниот турнир во женскиот Куп на Македонија. Во полуфиналето ќе играат Пелистер – Металург и ЖРК Вардар – ЖРК Вардар СЦБТ.
