Крилниот кошаркар на Сан Антонио Спарс, Кавај Ленард е прогласен за најдобар дефанзивец во НБА лигата. Ленард оваа сезона во просек бележи по 2,3 украдени топки и 7,2 скока по натпревар.
Ленард ја прекина доминацијата која траеше една деценија, а во која за најдобри дефанзивци беа избирани центри или крилни центри. Пред него последна ‘тројка’ избран за дефанзивец на годината бил Рон Артест во 2004 година.
Ленард е првиот играч на Сан Антонио уште од Дејвид Робинсон во 1992 година кој бил прогласен за дефанзивец на годината.
Крилото на Спарси во изборот доби 333 поени, втор во ова гласање е Дрејмонд Грин од Голден Стејт, а трет Деандре Џордан од ЛА Клиперс.
