Кошаркарите на Анадолу Ефес и Олмпијакос се изборија за четврти средби во сериите со Реал односно Барселона.
Ефес во уште еден трилер меч, конечно славеше над Реал 75:72, со тројката на Мет Џенинг постигната во последната секунда од натпреварот.
Ефес во последните две минути имаше седум поени предност, ново последните шест секунди Керол израмни со тројка на 72:72, а последниот шут го реализираше Џенинг за победа на турскиот тим.
Џенинг со 21 поен го предводеше Ефес, додека на спротивната страна Родригез реализираше 17 поени.
Ефес намали на 2:1 во серијата со Реал, а четвртиот меч ќе се одигра во Истанбул во четврток.
Драматичен меч одиграа и Олимпијакос и Барселона, а победата за предност од 2:1 во серијата ја однесе тимот од Пиреа.
Победата на Олимпијакос му ја донсе Принтезис кој погоди две слободни фрлања на шест секунди до крајот на мечот.
Принтезис со 19 и Спанулис со 15 поени и 8 асистенции го предводеа Олимпијакос до победата.
