Светскиот шампион во ски скокови Норвежанецот Андрес Јакобсен соопшти дека ја завршува кариерата за да може целосно да му се посвети на своето семејство.
Јакобсен (31) оваа година на Светското првенство во Фалун, Шведска, освои златен медал во екипна конкуренција. Во кариерата тој има освоено бронзен медал на Олимписките игри во Ванкувер и забележал 10 победи во натпреварите во Светскиот куп.
Последната победа Јакобсен ја забележа на 1-ви јануари на „Новогодишната турнеја“ на скокалницата во Гармиш-Партенкирхен.
