Екипата на Ливерпул ќе ја напуштат десетина фудбалери во ова лето. Причината е дека дел од играчите се разочарани од оваа сезона без трофеј на „Енфилд“, како и од реалната опасност тимот да не се пласира во Топ 4 и да обезбеди учество во Лигата на Шампионите.
Токму таков е случајот и со Коло Туре и Глен Џонсон, чиј договори истекуваат на крајот на сезоната. Двајцата не сакаат да потпишат нови и ќе си заминат како слободни агенти.
Како слободен трансфер клубот ќе го напушти и капитенот Стивен Џерард, кој веќе објави дека преминува во американскиот ЛА Галакси.
Младата ѕвезда Рахим Стерлинг порано во сезоната одби да го продолжи договорот со „црвените“ и речиси е сигурно дека при добра понуда Ливерпул ќе го продаде, за да не го испушти без пари. Главни кандидати за англискиот репрезентативец се Манчестер Сити и Јувентус.
Слична е ситуацијата и со Мартин Шкртел, а за него сериозен интерес има од страна на Волфсбург.
Шпанецот Хави Манкиљо најверојатно ќе ја продолжи кариерата во својата татковина, откако не успеа да се наметне во составот.
