Десниот бек на Вардар, Алекс Душебаев, се најде во најдобриот тим на четвртфиналните реванши во Лигата на шампионите.
Душебаев, во реваншот против Киелце, го предводеше Вардар со девет голови, но за жал не успеа да му помогне на тимот да избори пласман на завршниот турнир во Келн.
Вардар ги загуби двата четвртфинални натпревари од Киелце (20:22 и 31:33), а покрај полскиот тим на завршниот турнир во Келн ќе играат уште Кил, Барселона и Веспрем.
Тим на колото:
Голман: Гонзало Перез де Варгас (Барселона)
Десно крило: Виктор Томас (Барселона)
Десен бек: Алекс Душебаев (Вардар)
Среден бек: Филип Јиха (Кил)
Лев бек: Микел Хансен (ПСЖ)
Лево крило: Валур Сигурдсон (Барселона)
Пивот: Ренато Сулиќ (Веспрем).
