Фудбалерите на Астон Вила ќе играат во финалето на ФА купот, откако во полуфиналниот меч славеа над Ливерпул со 2:1.
Астон Вила на „Вембли“ со пресврт успеа да го совлада Ливерпул и да ја заокружи катастрофалната сезона на славниот клуб.
Ливерпул стигна до предност по полуфина час игра кога голот на Вила го погоди Филип Кутињо, но само шест минути подоцна резултатот го израмни Кристијан Бентеке. Победата на Вила и ја донесе Фабијан Делф во 50.минута.
Во 88.минута Ливерпул беше оштетен бидејќи на Марио Балотели му е поништен регуларен гол.
Астон Вила во финалето за противник ќе го има Арсенал, кој во саботата по продолженијата го совлада Рединг со 2:1.
