Мајкл Фелпс триумфално се врати на пливачките патеки по шестмесечната суспензија, откако победи на трката на 100 метри пеперутка на митингот во Феникс.
Фелпс (29) кој има освоено рекордни 18 златни медали на олимписките игри, победи со време од 52.38 секунди. Тој зад себе го остави својот најголем ривал Рајан Лохте (53.11).
Американската пливачка федерација, во октомври, го суспендираше Фелпс на шест месеци, откако тој беше уапсен поради возење на автомобил во алкохолизирана состојба. Покрај суспензијата Фелпс доби забрана и за настап на Светското првенство кое летово ќе се одржи во Казањ.
Времето кое го постигна Фелпс не е меѓу најдобрите десет ова сезона, но тој се надева дека постепено ќе ја крева својата форма, а главна цел му се ОИ во Рио наредната година.
