Канаѓанецот Милош Раониќ го заврши настапот на Мастерсот во Монте Карло во четвртфиналето.
Раониќ поради повреда на стапалото мораше да му го предаде мечот на Томаш Бердих, кој до тој момент имаше предност од 5:2 во првиот сет.
„Чувствувам болка, не можам да се движам“, им рекол на медицинскиот тајм аут на лекарите канадскиот играч, кои му одговориле дека не можат да му помогнат.
Бердих третпат во кариерата ќе игра во полуфиналето на Мастерсот во Монтекарло, во 2007 загуби од Надал, а во 2012 од Ѓоковиќ.
Чешкиот тенисер за пласман во финалето ќе се бори со победникот од дуелот меѓу Григор Димитров и Гаел Монфилс.