Манчестер Сити се подготвува за сериозни промени по завршувањето на актуелната сезона. „Граѓаните“ најверојатно ќе бидат многу активни за време на летниот преоден рок.
Тие ќе се разделат со некои од своите фудбалери, за да можат така да ги привлечат посакуваните играчи и да ја намалат возраста на тимот. Една од најголемите цели на англискиот клуб е фудбалерот на Реал Мадрид Иско Аларкон.
Според информациите „граѓаните“ се подготвени да дадат речиси 70 милиони евра за 22-годишниот фудбалер.
Во исто време од Манчестер Сити се подготвени да му понудат одлични финансиски услови на Иско. Ако тој ја прифати понудата на „небесносините“, ќе добива плата од 8,5 милиони евра.
Во моментов играчот заработува по 5 милиони евра годишно во Реал Мадрид.
Иско има договор со Реал Мадрид до летото 2018-та година. Во него има ослободувачка клаузула која е во износ од 150 милиони евра.