Тренерот на Борусија од Дортмунд, Јирген Клоп, по завршувањето на сезоната ќе го напушти клубот.
Јирген Клоп побарал раскин на договорот
„Bild“ пренесува дека Клоп по состанокот со претседателот Ханс-Јоаким Вацке, побарал раскин на договорот кој инаку му истекува во јуни 2018-та година.
Според истиот извор 47-годишниот тренер сезоната ќе ја одработи до крај, а потоа ќе бара нов клуб. Најверојатно Клоп кариерата ќе ја продолжи во англиската Премиер лига.
Јирген Клоп во Борусија пристигна во 2008-ма година од Мајнц и во својот мандат освои две титули во домашното првенство, а пред две години играше и во финалето во Лигата на шампионите.