Ракометарот на Веспрем, Момир Илиќ, би можел да биде замената за Никола Карабатиќ, доколку францускиот репрезентативец се реши по завршувањето на сезоната да ја напушти Барселона и да се пресели во ПСЖ.
„Вистина е дека постои можност да се преселам во Барселона, но тука не зависи ништо од мене. Доколку клубовите се договорат тогаш е можен трансферот бидејќи мене договорот ме врзува за Веспрем. Каталонците сакаат тригодишен договор“, изјави Илиќ за српскиот весник Спорт.
Илиќ има 33 години, а во кариерата настапувал за Аранѓеловац, Колубара, Фиделинка, Горење, Гумерсбах и Кил. Капитенот на српската репрезентација во 2013-та година од Кил се пресели во Веспрем.
