Компанијата за производство на безалколни пијалоци PepsiCo ги презема спонзорските права за најдобрата кошаркарска лига на светот NBA, со што заврши 28-годишното партнерство на американската кошаркарска лига со Coca-Cola.
Од наредната сезона, PepsiCo ќе биде официјален партнер за храна и пијалоци на NBA, женската NBA лига, NBA Development лига и здружението USA Basketball, објавија во заедничко соопштение компанијата и NBA. Финансиските услови на договорот не се објавени.
Coca-Cola беше официјален спонзор на NBA од 1986 година, а Sprite беше официјален пијалок на лигата од 1994 година.
„Донесовме одлука да не го објавиме глобалниот договор со NBA на крајот на сезоната 2014/15.“, соопшти портпаролката на Coca-Cola, додавајќи дека и натаму ќе ги продолжат односите со одделни тимови, играчи и натпреварувања.
