Македонската женска репрезентација во тенис денеска го започна учеството на турнирот од третата Евроафриканска група во ФЕД купот, кој се одржува во Улцињ. Во Групата 4 противнички на македонските тенисерки се репрезентативките на Молдавија, Намибија и Мозамбик.
Македонија на турнирот стартуваше со две максимални победи против Намибија. Магдалена Стоилковска со 6:4, 6:4 славеше против Керстин Грисман, додека Лина Ѓорчевска ја совлада Лесиди Шеја Јакобс со 7:6, 6:0.
Македонската женска репрезентација во тенис по пауза од 14 години повторно учествува на натпреварите во ФЕД купот.