Наградниот фонд на Ролан Гарос е зголемен за три милионa евра во однос на 2014-та година, и тој оваа година изнесува 28 милиони евра.
Победниците во сингл, во машка и во женска конкуренција, ќе добијат по 1,8 милиони евра, што е за 150.000 евра повеќе од минатата година. Финалистите ќе заработат по 900.000 евра, што е за 75.000 евра повеќе од лани.
Директорот на Ролан Гарос, Жилбер Исерн, рече дека зголемувањето на наградниот фонд е дел од четиригодишниот план, односно периодот од 2013-та до 2016-та година.
Вториот тениски Грен слем во сезоната ќе стартува на 24-ти мај.
