Македонскиот првак ЖРК Вардар ќе игра против Будуќност во полуфиналето од фајналфор-турнирот во Будимпешта, реши денешната ждрепка. Во реприза на ланската година двете екипи одиграа крајно изедначено и драматично полуфинале, вардарки се надеваат дека овој пат тие ќе се пласираат на финалната средба.
Ова ќе биде веќе трета средба меѓу екипите предводени од Индира Кастратовиќ и од Драган Аџиќ, бидејќи беа заедно и во првата групна фаза. Тогаш Будуќност славеше во Подгорица со 23-17, а во Скопје мечот заврши без победник, 24-24. Будуќност двапати во последните три сезони играше финале во ЛШ, а во 2012-та стана европски првак.
Во второто полуфинале играат Ларвик и Динамо-Синара. Фајналфорот во Лигата на шампионите е закажано од 9-ти и 10-ти мај, во салата „Ласло Пап“ во Будимпешта, во отсуство на актуелниот шампион и несудениот домаќин, Ѓер.
