Менаџерот на македонскиот интернационалец, Перо Антиќ, Мишко Ражњатовиќ се огласи на својот твитер профил во врска со неговото приведување.
Вели дека нема потреба од загриженост и дека сè е во ред со Антиќ.
„Нема причини за загриженост. Сè е во ред со Перо Антиќ! Тој само се најде на погрешно место во погрешно време!”, напиша Ражњатовиќ.
Антиќ и неговиот соиграч Сефолоша беа уапсени во Њујорк поради попречување на работата на полицијата на местото на инцидентот во кој кошаркарот на Индијана пејсерс, Крис Коупленд беше избоден со нож.
