Фудбалерите на Пари Сен Жермен му се придружија на Оксер во финалето на францускиот Куп, откако во полуфиналето на својот „Парк на принцовите“ убедливо го совладаа Сен-Етјен со 4-1 (1-1).
Ибрахимовиќ беше трократен стрелец за парижаните, во 21-та минута од пенал, во 81-та и во втората минута од судиското продолжение, а гол за ПСЖ придодаде Лавеци во 60-та минута. Гостите од Сен-Етјен успеаја само да изедначат преку Хамума во 25-та минута.
Оксер, кој оваа сезона се натпреварува во втората француска лига, пласманот го избори во вторникот со минималната победа од 1-0 против Гингамп, а голот го постигна Самаритано во 16-та минута.
Финалето на францускиот фудбалски Куп ќе се одигра на 30-ти мај на „Стад д’ Франс“.