Фудбалерите на Ливерпул се последните полуфиналисти во годинашната серија на најстарото фудбалско натпреварување на светот, англискиот ФА Куп, откако во повторениот меч во четвртфиналето како гости го совладаа второлигашот Блекбурн Роверс со 1-0 (0-0).
Стрелец на победничкиот гол на „Идвуд Парк“ за ливерпулските „редси“ беше Филипе Коутињо во 70-та минута.
Ливерпул во полуфиналето на 19-ти април на „Вембли“ ќе игра против Астон Вила, додека ден порано на истиот лондонски храм на фудбалот ќе се сретнат Арсенал и второлигашот Рединг.
