Фудбалерите на Лацио ќе играат во финалето на годинешниот италијански Куп против Јувентус, откако во возвратниот полуфинален двобој како гости со 1-0 (0-0) го совладаа минатогодишниот победник, што по резултатот од 1-1 од првата средба во Рим им беше доволно да одат натаму.
Стрелецот на голот во средата кој го однесе Лацио во финалниот дуел беше Сенад Лулиќ во 79-та минута.
Јувентус пласманот во финалето го избори во вторникот, откако, исто така, на гости ја совлада Фиорентина со 3-0 со што го надомести заостанувањето по поразот од 1-2 од претходниот меч во Торино. Стрелци беа Алесандро Матри во 21, Роберто Перејра во 33 и Леонардо Бонучи во 59-та минута.
Финалниот натпревар ќе се одигра на 7-ми јуни на Олимпискиот стадион во Рим.