Менаџерот на Ливерпул Брендан Роџерс ќе се обиде да ги засили редовите на тимот со уште еден квалитетен голман во летниот трансфер прозорец. Во плановите на тренрот е португалскиот репрезентативец Руи Патрисио.
Според весникот „Мирор“, Ливерпул ќе започне разговори со сегашниот клуб Спортинг Лисабон веднаш по завршувањето на сезоната. Засега не се соопштува сумата за која тој би бил пуштен на „Енфилд“.
Но Роџерс дефинитивно има потреба од уште еден класа голман. Актуелниот стартер Симон Мињоле имаше неколку доста колебливи натпревари во оваа сезона и беше виновен за изгубени поени. Неговиот заменик Бред Џонс, пак, имаше проблеми со повреди и не беше на располагање.
Токму тој се очекува да го напушти Ливерпул во текот на летото, уште повеќе што и договорот му истекува и по се изгледа дека нема да биде обновен. Така Мињоле и Руи Патрисио ќе се натпреваруваат кој ќе биде стартер на голманската позиција.