Претседателот на Македонскиот олимписки комитет (МОК), Васил Тупурковски е добитник на наградата на Меѓународниот олимписки комитет, трофејот „Пјер Де Кубертен“.
Меѓународниот олимписки комитет оваа награда им ја доделува на поранешни спортисти и заслужни спортски работници кои оставиле белег во олимпиското движење.
Првиот човек на МОК, Тупурковски, наградата ќе ја прими в четврток на свечена церемонија во хотелот „Холидеј Ин“. Наградата на Тупурковски ќе му ја врачи претседателот на Европскиот олимписки комитет Патрик Хики кој се наоѓа во работна посета на МОК.