Дефанзивецот на Борусија од Дортмунд, Матс Хумелс, демантира дека го договорил трансфер во Манчестер Јунајтед, откако англиските медиуми објавија дека по завршувањето на сезоната тој за 40 милиони фунти ќе се пресели на „Олд Трафорд“.
„Сакам на сите да им биде јасно дека не сум договорил ништо со ниту еден клуб. Измислица е дека сум ветил дека ќе одам во Манчестер Јунајтед, одлуката каде ќе ја продолжам кариерата ќе ја донесам во летниот период“, порачува Хумелс.
Матс Хумелс има одиграно 39 натпревари за германската репрезентација со којашто на Светското првенство во Бразил стана светски првак.
