Фудбалерот на Порто Данило Луис да Силва од наредната сезона ќе го носи дресот на Реал Мадрид, објави клубот на својата официјална интернет страница. Вредноста на трансферот изнесува 31,5 милиони евра.
Данило има 23 години игра на позицијата десен бек, а со Реал потпишал договор до 2021 година. Во кариерата Данило покрај во дресот на Порто играл и за Сантос и Америка од Минеиро.
Со доаѓањето на Карлос Дунга на чело на бразилската репрезентација Данило стана стандарден првотимец и досега има одиграно 11 натпревари за националниот тим.
