Англиските медиуми, за време на паузата во националните шампионати, шпекулират дека во летниот преоден рок Анхел Ди Марија повторно ќе биде дел од голем трансфер.
Аргентинецот минатото лето пристигна во Манчестер Јунајтед за сума од 75 милиони евра, но иако добро ја започна сезоната тој не ги задоволи вкусовите на „Олд Трафорд“. Ди Марија во досега одиграните 27 натпревари има учинок од четири гола и 11 асистенции.
Според англиските медиуми францускиот шампион ПСЖ е подготвен да го донесе Ди Марија и на Манчестер Јунајтед да му ја испати истата сума која англискиот тим му ја плати на Реал минатото лето.
